( Lisolo oyo ezali komonisa makanisi ya mokomi Karim Badolo mpe ezali mpenza te oyo ya CGTN.)
Mokambi ya Chine Xi Jinping apesaki mbote ya mobu ya sika 2025 na batu azali kokamba na mpe na mokili mobimba. Bapanzi sango minei ya Afrika ya Guinée, Burkina Faso, congo démocratiki mpe Cameroun bapesaki makanisi na bango mpona lisikulu Ena ya mokambi ya Chine.
Mopanzi sango ya Guinée Mamadou Ciré Baldé ya Vision Guinée alobi ete lisikulu ya président ya Chine na ekolo mpo na mobu ya sika ezali « ya elikya mpe ya bofuli. » Kolanda ye, mokambi ya Chine amonisaki misala ya ntina ya Chine na mobu 2024 na makambo lokola nkita, bokeli ya sika, zinga zinga, mimeseno, diplomatie mpe mingi mosusu. “Amonisaki ntina ya koyika mpiko mpe bomoko ya bato ya Chine mpo na kolonga mikakatano. Apesamaki mpe ntina na milende mpo na kobongisa lolenge ya bomoi ya bana mboka, nzokande kotia mayele ya sika mpe boyokani kati na mokili mobimba na motema ya makambo ya motuya mpo na mikolo mizali koya. Lokola asɛngaki ete bákoba kokende liboso na ekateli, amonisaki bilikya minene mpo na kobongisa makambo ya sika na ndenge ya Chine, oyo etali mingimingi bokoli ya malamu ya nkita mpe ya bomoi ya bato mpe lisusu kolendisa makoki ya Chine na makambo ya siansi mpe ya tekiniki,” elobaki bongo Mamadou Ciré Baldé . Mpo na ye, Xi Jinping amonisaki ntina ya boyokani mpo na kotonga lisanga oyo ezali na avenir ya kokabola. “Na nzela ya mongongo na yango, Chine elobi ete ezali pene ya kosala elongo na mikili misusu mpo na kolendisa boninga mpe boyokani, kolendisa bofuli kati na mimeseno ekeseni,” emonisaki mopanzi sango ya Vision Guinée.
Na ndenge moko, moninga na ye ya mosala Carine Pierrette Zongo ya zulunalo Filinfos na Burkina Faso andimi ete nsango ya président ya Chine ezali kolakisa Chine oyo ebaluki na ekateli makasi mpo na mikolo mizali koya, oyo ezali na elikya na makambo oyo esali kala mpe makoki na yango ya kokutana na mikakatano oyo ekoya . “Chine ezali komitia lokola mokambi ya mokili mobimba, mingi mingi na nzela ya bokoli na yango na ba énergies ya sika, mayele ya kosala mpe bolukiluki ya espace, nzokande ezali kopesa ntina mingi na boyokani ya bato mpe lolenge ya bomoi ya bana mboka na yango,” elobi ye. Carine Pierrette Zongo amonisaki mpe likambo oyo ete président ya Chine alobelaki mbongwana ya boyangeli ya mokili mobimba mpe mokumba oyo Sud mondial ekosengela kosala. Engebene ye, koleka nguya ya nkita, Chine emitie lokola mosani ya kimya mpe ya bomoko na mokili mobimba.
Directeur général ya radio Soso Ya Mboka FM, Héritier Mungumiyo, na République démocratique du Congo (RDC) ayebisi mpe na sekele ete “asepeli mingi” eteni epayi wapi président Xi “akumisi misala minene oyo Chine esali na 2024”. Mpo na ye, Afrika esengeli kozwa inspiration na likambo oyo na processus ya développement na yango.
Gérard Njoya, rédacteur en chef ya Actu Chine-Cameroun, afandaki na développement ya Chine oyo eyambaki ba secteurs ebele oyo président alobelaki na message na ye ya mbote. “Nkita ya sika lokola développement vert, production ya mituka ya sika ya énergie, etc., e constituaki force motrice ya développement économique ya Chine na 2024. Ezali mpe bongo mpo na production ya mbuma oyo ekomaki na 700 millions ya tonnes “, a détaillé.
(Fɔtɔ́: VCG)
