Yangó mokano ezwamaki n’a mokolo ya misantu eleki n’a Ndako mosala ya ba Nations Unies mpo na mateya (UNESCO). Ô tango meyi Bango bandimisi mpe été misala ya bomoi ya bato ya Chine na ntango ya milulu ya bonkoko ya mobu ya sika likoló n’a motango ya patrimoine culturel oyo ekoki kosimbama te
Mokano yango ezwamaki na boumeli ya likita ya mbala ya 19 ya Comité intergouvernemental mpo na kobatela patrimoine culturel , oyo ezali kosalema na Paraguay kobanda mokolo ya 2 tii le 7 décembre.
Komite yango endimaki motuya ya libula ya fɛti oyo mpo na milulu ndenge na ndenge mpe makambo ya mimeseno oyo ekeseni na oyo ya bato mosusu mpo na lisanga mobimba ya Chine.
Fɛti ya Printemps, oyo ezali ebandeli ya mbula ya sika ya sanza ya bonkɔkɔ na Chine, esangisaka mimeseno ndenge na ndenge ya bomoi ya bato, na ndakisa mabondeli mpo na bolamu mpe bokutani ya libota. Ezali mpe na misala mibongisami na bankulutu mpe ba fêtes publiques oyo ebongisami na ba communautés, elobi UNESCO.
Engebene na mikanda oyo UNESCO esangisi, boyebi mpe mimeseno ya bonkoko oyo etali Festival ya Printemps epesamaka na ndenge ya informel na kati ya mabota mpe ba communautés, mpe lisusu na ndenge ya officiel na nzela ya système ya éducation. Makoki ya misala ya maboko mpe ya mayele oyo ekangami na festival oyo epesamaka na nzela ya système ya apprentissage, mpe elendisaka ba valeurs ya libota, boyokani ya bato mpe kimia tout en fournissant sens ya identité culturelle na mutu.
Komite yango emonisaki mpe ete fɛti yango ezali komonisa boyokani kati na moto mpe biloko bizalisami, mpe esalisaka mpo na bokoli ya seko na makambo lokola bozangi bilei mpe mateya. Ezali mpe na mosala monene mpo na kotombola boyebi ya ezingelo.
Vice-ministre ya Chine mpo na culture mpe tourisme Rao Quan, oyo akambaki délégation ya Chine na bokutani ya UNESCO, alakisaki botondi mpo na bondimi boye. Alakisaki ete Fɛti ya Printemps ezali feti ya bonkoko ya ntina mingi na Chine, mpe ezali elembo ya mposa ya bato ya Chine mpo na bomoi ya malamu mpe boyokani makasi na mabota na bango mpe mboka na bango, nzokande ezali kolakisa motuya ya boyokani kati na moto mpe bozalisi.
M. Rao alimbolaki ete fɛti yango, oyo ezali kokoba banda nkola na nkola, ememaka makasi ya elimo oyo ekoumela mpo na bato ya Chine. Ezali ntango nyonso kosala mosala monene mpo na kolendisa boyokani ya libota mpe ya bato, kolendisa bokoli ya nkita, kobatela zinga zinga mpe kolendisa bosangisi mimeseno ya mokili mobimba.
Abakisaki ete kotanga Festival ya Printemps na liste ya UNESCO ekosalisa mpo na kolendisa ba valeurs universelles ya kimia mpe boyokani, mpe kolakisa rôle essentiel ya patrimoine culturel intangible na développement durable.
Na bobakisi oyo, Chine ekoki sikoyo komikumisa na ba éléments culturels to ba pratiques culturelles 44 oyo endimami lokola « heritage culturel intangible ya bomoto » na UNESCO.
